फ़िजा चित्रपटातील डायलॉग- सत्यवचन

 केसरिया रंग और हरा रंग भारत के झंडे के दो हिस्से है, उन्हे हिस्सा ही बना रहना चाहिये, पूरा झंडा बनने की कोशिश नही करनी चाहिये...!

धम्मचक्र प्रवर्तन दिनानिमित्त नागपूरात चोख व्यवस्था!

नागपूर : येत्या 22 ते 25 ऑक्टोबरपर्यंत दीक्षाभूमी येथे 56 वा धम्मचक्र प्रवर्तन दिन सोहळा  साजरा होत आहे. त्या निमित्त्ताने जिल्हा प्रशासन, नागपूर महानगरपालिका, पोलीस प्रशासन, आरोग्य विभाग, वीज वितरण विभाग यांनी दरवर्षी प्रमाणे यंदाही चोख व्यवस्था ठेवण्याचे आवाहन जिल्हाधिकारी सौरभ राव यांनी केले.

                                                                                                       सौजन्य: महान्यूज

बचत भवन सभागृहात 56 व्या धम्मचक्र प्रवर्तन दिनाच्या निमित्ताने होणाऱ्या सोहळ्याची पूर्वतयारी करण्याच्या दृष्टिकोनातून एक बैठक आयोजित करण्यात आली होती. बैठकीच्या अध्यक्षस्थानी जिल्हाधिकारी सौरभ राव होते. या बैठकीस नागपूर सुधार प्रन्यासचे सभापती प्रवीण दराडे, मुख्य कार्यपालन अधिकारी डॉ. अमित सैनी, जिल्हा पोलीस अधीक्षक डॉ. मनोजकुमार शर्मा, डॉ. बाबासाहेब आंबेडकर स्मारक समितीचे सचिव सदानंद फुलझेले, विदर्भ वैधानिक विकास मंडळाचे निवृत्त सदस्य सचिव ई. झेड. खोब्रागडे  हे प्रामुख्याने उपस्थित होते.

जिल्हाधिकारी राव म्हणाले, धम्मचक्र प्रवर्तन दिनाचा मुख्य सोहळा 23 व 24 ऑक्टोबर रोजी होणार असून या सोहळ्यात यावर्षी देशातून तसेच विदर्भ, मराठवाड्यातून 10 लाख भाविक उपस्थित राहतात. एवढ्या मोठ्या प्रमाणात येणाऱ्या भाविकांची व्यवस्था करण्यासाठी प्रशासन सज्ज आहे. नागपूर महानगरपालिके तर्फे पिण्याच्या पाण्याची व्यवस्था, साफसफाई, वाहतूक व्यवस्था, आरोग्य व्यवस्था तसेच पाऊस आल्यास भाविकांना आश्रयासाठी शाळांची व्यवस्था करण्यात येणार आहे.

पोलिस विभागातर्फे सुरक्षेची संपूर्ण व्यवस्था करण्यात येणार आहे. यासाठी नियंत्रण कक्ष चोवीस तास सुरु राहील. सोबतच डॉ. आंबेडकर महाविद्यालयातील एन.सी.सी व एन.एस.एस.च्या स्वयंसेवकांची मदत पोलिसांना होणार आहे. सुरक्षेचा उपाय म्हणून सी.सी.टीव्ही लावण्यात येणार आहेत. कायदा व सुव्यवस्था राखण्यासाठी 7 मार्च 2005 च्या निर्देशानुसार 21 मुद्यांवर संपूर्ण आवश्यक कार्यवाही करण्यात येईल. दीक्षाभूमी परिसरात दुकानदारांनी सिलेंडर, स्टोव्ह, लाऊडस्पिकर आणू नये अशा सूचना बैठकीत करण्यात आल्या.

कार्यक्रमाच्या वेळी एक दोन दिवस आधी विविध सामाजिक संस्था, संघटनांतर्फे भाविकांसाठी करण्यात येणाऱ्या अन्नदाना संदर्भात विशेष काळजी घ्यावी. अन्न व औषधी प्रशासनाने अन्न पदार्थांचे नमुने तपासावे, अशी सूचनाही बैठकीत करण्यात आली. तीन दिवस चालणाऱ्या सोहळ्यात भाविकांच्या आरोग्याची काळजी घेण्यासाठी महानगरपालिकेचे आरोग्य उपसंचालक, जिल्हा शल्य चिकित्सक, आरोग्य सेवा उपसंचालक यांनी संयुक्त रित्या बैठक घेऊन शासकीय वैद्यकीय महाविद्यालय, इंदिरा गांधी वैद्यकीय महाविद्यालय तसेच खाजगी रुग्णालयांत वैद्यकीय यंत्रणा सज्ज ठेवण्यासोबत चार मोबाईल आरोग्य रुग्णवाहिका तसेच तातडीची औषधे उपलब्ध ठेवावी, असेही  बैठकीत संबंधितांना जिल्हाधिकाऱ्यांनी निर्देश दिले.

वर्षातील महत्वाचे दिवस!

३ जानेवारी - सावित्रीबाई फुले जन्मदिन
२७ फेब्रुवारी- मराठी राजभाषा दिन
१० मार्च - संत तुकाराम महाराज बीज
१० मार्च- सावित्रीबाई फुले पुण्यदिन
११ एप्रिल - महात्मा फुले जयंती
१४ एप्रिल- डॉ. बाबासाहेब आंबेडकर जयंती
६ मे - राजर्षी शाहू महाराज पुण्यतिथी
१० मे - संत चोखामेळा पुण्यतिथी, मंगळ्वेढा
 २६ जून - राजर्षी शाहू महाराज जयंती
२८ नोव्हेंबर- महात्मा फुले पुण्यतिथी
६ डिसेंबर- डॉ. बाबासाहेब आंबेडकर महापरिनिर्वाण दिन

जय भीम- कविता १

साकाळलेल्या रक्ताला खवळून
क्रांती तू घडवली
जनावराचं जीवन जगणाऱ्यांची
माणसं तू बनवली

सवर्णांच्या लाथा खाऊनही
पायाशी त्यांच्या घुटमळत होतो
पुढच्याची ठेस पाहूनही
शहाणे मात्र होत नव्हतो

अशा अन्यायाच्या चिखलातच
भीम नावाचा कमळ फुलला
चिरकालीन विचारांच्या सुगंधाने
बहुजनांच्य्या जीवनात दरवळला

वरवंटा झालेल्या दगडातून
मूर्ती तू साकारली
अस्मितेची जाण करवून
तिला सजीव तू केली

कधी न पाहिलेल्या देवानेच
आमच्यावर अन्याय केला
उद्धार करुन आमचा भीमा तू
देवस्थानी पोहोचला
               
        -किरण सोनावणे
        mahabuddhist@gmail.com

आता औषधे मिळवा स्वस्तात! Go Generic!

आमिर खानने "सत्यमेव जयते"  मधून मेडिकल क्षेत्रातील त्रुटी जगासमोर आणल्या होत्या. त्यातला कळीचा मुद्दा होता डॉक्टरांकडून लिहून दिली जाणारी महागडी औषधे! या महाग औषधाच्या बद्ल्यात स्वस्तातील जेनेरिक औषधांचा पर्याय दिला होता.

प्रत्येक औषध, गोळी, कॅप्सूल याला एक जेनेरिक नाव असतं आणि ही औषधे वेगवेगळ्या कंपन्या वेगवेगळ्या नावाने (Brand) बनवून अमाप किमतीत विकत असतात. एकाच जेनेरिक नावाच्या सर्व ब्रॅंडच्या औषधांमधील पदार्थांचं प्रमाण आणि परिणाम एकच असतो. पण औषध कंपन्याच्या लागेबांधेमुळे स्वस्तातील औषधे मेडिकल स्टोअर मध्ये पोहचत नाही आणि डॉक्टर सुद्धा स्वस्तातील जेनेरिक औषधे लिहून देत नाही. उदाहरणार्थ, Metocard XL (50 mg) ह्या औषधाची किंमत ६२ रुपये आहे. हेच औषध Cipla कंपनीच्या Mepol या नावाने फक्त ७ रुपयांत मिळते.

ही जेनेरिक औषधे कशी शोधावी?!

१) www.medguideindia.com या वेबसाइटला भेट द्या.

२) 'Drugs' वर क्लिक करा.

३) 'Brand' वर क्लिक करा.

४) तुम्ही जे औषध वापरता त्याचं नाव टाईप करा (e.g Metocard XL (50 mg) आणि सर्च करा. तुम्हाला त्याचे जेनेरिक नाव मिळेल.

५) 'Generics' मध्ये जाऊन त्या जेनेरिक औषधाचे अनेक स्वस्तातील पर्याय मिळतील.

६)  Google मध्ये आपल्या जवळचे जेनेरिक औषध मिळण्याचे स्टोअर सर्च करा आणि ही औषधे मिळवा.

     

           किंवा तुम्ही सरळ जेनेरिक मेडिकल स्टोअरला भेट देऊन महाग औषधाला पर्यायी जेनेरिक औषध मागू शकता. वरील साईटचा उपयोग म्हणजे तुम्हाला खूप सारे जेनेरिक पर्याय मिळतील आणि तुम्ही सर्वात स्वस्तातील औषध शोधू शकता.

           चला मग प्रयत्न करुया. डॉक्टर जेनेरिक होतील तेव्हा होतील पण तोपर्यंत आपण आपले Generic कम्पाँडर बनूया !

अनापना ध्यान (ANAPANA Meditation at Global Pagoda)

ग्लोबल विपश्यना पगोडा मध्ये पर्यटकांसाठी १० मिनिटांचा अनापना ध्यान सुरू आहे.

वेळ - दररोज १० ते ७ अविरत!
         

ठिकाण- ग्लोबल विपश्यना पगोडा
       एस्सेल वर्ल्ड च्या बाजूला,
       गोराई विलेज,
       बोरीवली (पश्चिम),
       मुंबई- ४०००९१.

संपर्क-   +९१ २२ ३३७४७५०१, ०२२ २८४५१२०४/११७०

या अनुभुतीसाठी कोणतेही शुल्क आकारण्यात येत नाही.
सर्व उपासकांनी १० मिनिटे ध्यान सभागृह न सोडता बसून राहावे आणि ध्वनीफितीच्या सूचनांचे अनुसरण करावे.
ध्यानाच्या वेळी संपूर्ण शांतता ठेवावी आणि मोबाईल बंद ठेवावे.

बौद्ध प्रार्थना (मराठी अर्थासहित)

                                 वंदन (पाली)

नमो तस्स भगवतो अरहतो सम्मासम्मबुद्धस्स  (३ वेळा)

[ त्या भगवान बुद्धाला माझे वंदन असो, जे अर्हंत (जीवन मुक्त) सम्यक सम्बुद्ध (संपूर्ण जागृत) आहेत. ]

त्रिसरण (पाली)

बुद्धं सरणं गच्छामी
धम्मं सरणं गच्छामी
सघं सरणं गच्छामी
               दुतियम्पि, बुद्धं सरणं गच्छामी
               दुतियम्पि, धम्मं सरणं गच्छामी
               दुतियम्पि, सघं सरणं गच्छामी
ततियम्पि, बुद्धं सरणं गच्छामी
ततियम्पि, धम्मं सरणं गच्छामी
ततियम्पि, सघं सरणं गच्छामी

[    तीन अनुसरणे

मी बुद्धाला अनुसरतो
मी त्यांच्या धम्माला अनुसरतो
मी त्यांच्या संघाला अनुसरतो
                दुसऱ्यांदा मी बुद्धाला अनुसरतो
                दुसऱ्यांदा मी त्यांच्या धम्माला अनुसरतो
                 दुसऱ्यांदा मी त्यांच्या संघाला अनुसरतो
तिसऱ्यांदा मी बुद्धाला अनुसरतो
तिसऱ्यांदा मी त्यांच्या धम्माला अनुसरतो  
तिसऱ्यांदा मी त्यांच्या संघाला अनुसरतो                ]

पंञ्चशिलानि (पाली)

पाणातिपाता वेरमणी- सिक्खापदं समादियामि
अदिन्नादाना वेरमणी- सिक्खापदं समादियामि
कामेसुमिच्छाचारा वेरमणी- सिक्खापदं समादियामि
मुसावादा वेरमणी- सिक्खापदं समादियामि
सुरा-मेरय-मज्ज-पमाद्ठ्ठाना वेरमणी- सिक्खापदं समादियामि
साधू साधू साधू 

[
पंचशील (मराठी)
१) मी जीवहिंसेपासून अलिप्त राहण्याची प्रतिज्ञा करतो.
२) मी चोरी करण्यापासून अलिप्त राहण्याची प्रतिज्ञा करतो.
३) मी कामवासनेच्या अनाचारापासून अलिप्त राहण्याची प्रतिज्ञा करतो.
४) मी खोटे बोलण्यापासून अलिप्त राहण्याची प्रतिज्ञा करतो.
५) मी मद्य, मादक तसेच मोहात पाडणाऱ्या मादक वस्तूंच्या सेवनापासून अलिप्त राहण्याची प्रतिज्ञा करतो.
साधू साधू साधू     ]

WELCOME TO "MAHA-BUDDHIST"

  जय भिम ! 

"महा-बुद्धिस्ट" MAHARASHTRIYA-BUDDHIST हा blog सुरु करताना अतिशय आनंद होतोय. महाराष्ट्रातील तमाम बौद्ध-आंबेडकर समाजातील तरुणांना हा blog समर्पित आहे. शाहू-फुले-आंबेडकरी विचारांची देवाण-घेवाण आणि या समाजाच्या सामाजिक-आर्थिक विकासासाठी प्रयत्न करणं हा आपला नि:स्वार्थ उद्देश आहे. So welcome friends! Lets try for the social-economical welfare of THE BUDDHIST! JAI BHIM!